На 25 ноември ќе се одржи Самит на лидерите на ЕУ за Брегзит
- Претседателот на Европскиот совет, Доналд Туск, истакна дека на 25 ноември ќе се одржи Самит на лидерите на Европската Унија (ЕУ), со цел да се заврши и официјализира Договорот за Брегзит
Brussels Hoofdstedelijk Gewest
БРИСЕЛ (АА) - Претседателот на Европскиот совет, Доналд Туск, истакна дека на 25 ноември ќе се одржи Самит на лидерите на Европската Унија (ЕУ), со цел да се заврши и официјализира Договорот за Брегзит, јавува Anadolu Agency (AA).
Туск одржа прес-конференција во Брисел која се одржа по постигнатото усогласување за Нацрт-договорот за Брегзит постигнат меѓу ЕУ и Велика Британија.
Туск излегувањето на Британија од ЕУ го опиша како „губитник-губитник“ (lose-lose) ситуација, и додаде дека „преговорите за Брегзит се организираат со цел да се контролираат штетите кои ќе произлезат од тоа“.
Туск нагласи дека 27-те земји членки на ЕУ започнале да го оценуваат Договорот.
„Во случај да не се случи некоја вонредна состојба, на 25 ноември ќе се одржи Самит на лидерите на ЕУ, со цел завршување и официјализирање на Договорот за Брегзит“, додаде тој.
Кон крајот на прес-конференцијата, главниот преговарач за Брегзит на Европскиот совет, Мајкл Барниер, на Туск му го достави Нацрт-договорот за Брегзит постигнат меѓу ЕУ и Британија.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.