Меѓу Киргистан и Узбекистан потпишан протокол за демаркација на границите

БИШКЕК (АА) - Меѓу Киргистан и Узбекистан потпишан е заеднички протокол за демаркација на границите, пренесува Агенција Анадолија (АА).

Во соопштението на прес-центарот на Владата на Киргистан се наведува дека во главниот град Бишкек се сретнале делегациите за демаркација на границата меѓу владите на Киргистан и Узбекистан.

По состанокот констатирано е дека е потпишан заеднички протокол меѓу претседателот на Државниот комитет за национална безбедност на Киргистан и заменик-премиер, Камчибек Ташиев, и премиерот на Узбекистан, Абдула Арипов.

Меѓу другото, во соопштението е истакнато дека протоколот предвидува отпочнување на процедура за постигнување договор за одредени делови од киргиско-узбекистанската државна граница.

Во соопштението за преговорите за границата меѓу Киргистан и Узбекистан за 200-километарскиот дел од вкупно 1.379-километарската заедничка граница, одржани на 23-25 ​​март 2021 година во Ташкент, главниот град на Узбекистан, беше истакнато дека проблемот е решен со методот на меѓусебна размена на земјиште.