Мексиканската полиција истражува маж како можен сериски убиец

МЕКСИКО СИТИ (АА) - Полицијата на Мексико Сити доцна синоќа објави дека истражува осомничен маж за убиство како можен сериски убиец откако се пронајдени коски, пила, крв и лични карти на исчезнати жени во со собите што ги изнајмил, пренесува Анадолу.

Обвинителите не го открија идентитетот на осомничениот, но соопштија дека лицето е задржано на судење под обвинение за убиство и обид за убиство на две жени.

Обвиненија се подигнати по нападот извршен во вторникот во кој осомничениот чекал жена накратко да го напушти својот стан. Потоа влегол, и сексуално злостравил и ја задавил нејзината 17-годишна ќерка.

Мајката се вратила и го видела како си заминува, но ја пресекол по вратот и избегал. Мајката преживеала, но нејзината ќерка не.

Бидејќи осомничениот живеел во близина на местото злосторството, брзо е идентификуван и фатен. Во согласност со мексиканскиот закон, полицијата го идентификувала само по името, Мигуел.

„Кога истражителите извршиле претрес на станот што го изнајмил во близина, пронајдени се шокантни докази кои јасно укажуваат на можен сериски убиец“, изјави градскиот обвинител Улисес Лара.

Детективите при пребарувањето на станот пронашле „биолошки материјал“ - дамки од крв, коски, пила, мобилни телефони и лични карти на исчезнати жени.

„Пронајдени се и низа нотеси кои би можеле да откријат повеќе за дела што Мигуел ги сторил врз своите жртви“, рече обвинителот Лара.

Обвинителот не откри колку комплети коски или лични карти се пронајдени, но локалните медиуми споменуваат бројки од 7 до дури 20 можни жртви.