Мека: Завршен проект за инфраструктурното уредување на изворот Земзем

РИЈАД (АА) - Властите во Саудиска Арабија објавија дека е завршен проектот за инфраструктурното подобрување на изворот Земзем во комплексот Месџидул-Харем во Мека, јавува Anadolu Agency (AA).

Дирекцијата на Месџидул-Харем и џамијата на пратеникот соопштија дека проектот бил успешно завршен и дека се отстранети сите бариери кои од безбедносни причини биле поставени во комплексот околу Ќаба.

Во рамките на проектот, изградени се посебни канали за одвод на водата од изворот кој се наоѓа на 21 метар од Ќаба. Инсталирани се посебни системи за транспорт на водата и заштитени се плочниците околу изворот.

Проектот за уредување на изворот Земзем беше покренат кон крајот на октомври минатата година, по наредба на саудискиот крал Салман бин Абделазиз.