Мадуро: „Можно е повторно да започнат преговорите меѓу Владата и опозицијата"

БУЕНОС АИРЕС (АА) - Претседателот на Венецуела, Николас Мадуро, истакна дека е можно повторно да започнат преговорите меѓу Владата и опозицијата, кои беа суспендирани откако претседателот на Националното собрание на оваа земја, Хуан Гваидо, кој се прогласи за привремен претседател на Венецуела, ги поддржа санкциите на САД против Венецуела, кои ги замрзнаа имотите на Венецуела во САД, пренесува Anadolu Agency (AA).

Мадуро даде изјава за кинеската официјална новинска агенција „Синхуа“, во Претседателската палата која се наоѓа во венецуелскиот главен град, Каракас.

„Контактиравме со норвешката Влада, одржавме бројни состаноци, исто така повторно воспоставивме контакт со претставниците на венецуелската опозиција“, рече Мадуро во врска со суспендираните преговори со опозицијата кои беа реализирани со посредство на Норвешка.

Мадуро нагласи дека наскоро ќе излезат две вести во врска со преговорите одржани во Барбадос.

„Јас предложив преговорите да бидат постојани, и да се формира постојана преговарачка маса за мир, која ќе ги надмине сите потешкотии“, додаде тој.