ИСТАНБУЛ
- АЈДОГАН КАЛАБАЛИК
Изјавите на египетскиот претседател Абдулфетах ес Сиси, кој рече дека Сирте и Џуфра се нивна црвена линија и тоа што алудираше дека ќе ги вооружува либиските племиња во Египет, предизвика ново можно сценарио во либиската равенка, додека непријателствата меѓу племињата кои датираат од минатото, покажуваат дека не е баш можно да се реализира овој план на Сиси.
Сиси во своето обраќање на 20 јуни алудираше дека е можно да ги вооружуваат либиските племиња во Египет, при што рече: „Кога овие сили ќе напредуваат, вие како лидери на племињата ќе одите пред нив.“
Откако Калифа Хафтар кој добива отворена поддршка од администрацијата на Сиси, претрпе неколку порази против либиската Војска, извесно време беше актуализирана опцијата да се вооружуваат некои млади лица припадници на либиските племиња во Египет, и да бидат испратени во Либија.
Се вели дека на овие млади лица ќе им биде ветено вработување и земјиште. Пред околу два месеци на социјалните мрежи беа споделени снимки околу некои работи во оваа насока.
Од друга страна, веќе долго време се прават планови либиските бедуински племиња во северозападниот дел на Египет да бидат населени во Либија, како и за зголемување на интензитетот на населението во источниот дел на земјата.
Лидерот на илегалните сили во источниот дел на Либија, Калифа Хафтар, во мај 2019 година истакна: „Површината на Либија изнесува 1 милион 760 илјади квадратни километри, што ќе правиме со толкаво место, што ако дојдат уште 10 милиони?“
Но, прашањето не е толку просто. Меѓу племињата во Египет и Либија постојат децениски историски проблеми засновани на војни, присилна миграција и прогон.
Во Египет се наоѓаат голем број племиња со либиско потекло, меѓу кои најголемото племе е племето Евлад Али, чие население брои над 1 милион.
Племето Евлад Али се дели во две групи: Ахмар и Ебјад. Исто така, овие две групи се делат на 12 племиња; Канајише, Хазаим, Зенера, Хеналике, Кавасим, Авами, Сенаџира, Акшибат, Шерасет, Хавитије и Ханиш.
Племето Евлад Али пред 130 години мигрираше од Либија во Египет. Во 1960 година избувна војна меѓу племето Евлад Али кое живеело во подрачјето на Брега во Либија, и племето Абидат од истото подрачје, која траеше 30 години.
Племето Евлад Али беше поразено во оваа војна, и во 1890 година беше принудено да мигрира во Египет. Оваа задолжителна миграција се нарекува „Теџридед Хабиб“.
Поголемиот дел од припадниците на племето Евлат Али се населија во градот Масра Матрух кој се наоѓа меѓу египетксиот град Александрија, на брегот на Медитеранот, и подрачјето на Селум кое се наоѓа на границата на Либија.
Во наредните периоди, некои семејства мигрираа во подрачјата на Амирије и Марјут во Александрија, додека некои семејства во градот Деманхур.
Другите либиски племиња во Египет се Бераиса, Февајид, Хенади, Фурџан, Бехџе, Џемиат, Катан, Џебалије, Римах, Хабун, Евлад Шејх, Џелалат, Меџабира и Џевази.
Племето Џевази привлекува внимание меѓу овие племиња. Племето Џевази беше прогонето од страна на Караманли Јусуф паша (1795 - 1832), кој е едно од најпознатите имиња на династијата Караманли која од 1711 до 1835 година управувала со Триполитанија.
Караманли Јусуф паша заедно со тогашните провинции Алжир и Тунис војувал против САД. Тој ги повикал лидерите на племето Џевази во Бингази каде што ги казнувал со смртна казна, додека ова племе го прогонил во Египет.
Покрај понудите на племињата во подрачјата близу границата на Либија, припадниците на племето Џевази се движеле кон внатрешните делови на земјата со цел да бидат побезбедни.
Според египетските извори, припадниците на племето Џевази претежно живеат во градовите како Зеказик и Танта.
Меѓу другото, во Египет се наоѓаат бројни мали племиња со потекло од Либија. Овие племиња имаат семејни и брачни врски со племињата во Либија. Исто така, имаат многу блиски врски со бедуините на Синајскиот Полуостров.
Безбедносните проблеми на Синајскиот Полуостров, како и тоа што администрацијата на Египет пред неколку години ги сруши домовите на бедуините што живеат на границата меѓу Израел и Газа поради безбедноста на границата со Израел, предизвикаа сериозни реакции.
Оваа практика која беше реализирана и покрај спротивставувањето на народот, негативно влијаеше и врз племињата со либиско потекло во овие подрачја.
Од друга страна, меѓу племето Евлад Али кое е најголемото племе од либиско потекло во Египет и племето Абидат во Либија постои историско непријателство кое не може да се заборави.
Пред 130 години, племето Абидат го прогони племето Евлад Али од Либија и ги заплени неговите земјишта и имоти. Обединувањето на овие две племиња се смета за многу слаба можност поради историските мотиви.
Обединетите Арапски Емирати (ОАЕ), како и администрацијата на Египет, планираат на местото на Хафтар да го донесат претседателот на Советот на претставници на Тобрук, Акил Салих, кој е поддржувач на Хафтар. Но, Акил Салих е припадник на племето Абидат кое беше прогонето од страна на племето Евлад Али.
Поддржувањето на Хафтар од страна на племето Евлад Али, значи помагање на племето Абидат кое беше прогонето од предците на ова племе. Затоа, се смета дека племето Евлад Али кое претежно е населено во подрачјата близу границата со Либија, нема да испрати луѓе во Либија.
Припадниците на племето Џевази кое беше прогонето од Либија во Египет од страна на Караманли Јусуф паша, се адаптирани во египетското општество и себеси не се сметаат за бедуини, туку се опишуваат како Египќани.
Ова не се смета како многу валидно сценарио бидејќи поддржувањето на една страна во Либија, и особено поддржување на лицата од Истокот, ќе се смета како „помагање на племињата кои се прогонети од своите предци“ од страна на египетските племиња.
