Кудс: Израелската полиција интервенираше во текот на расправија помеѓу радикални Евреи и Палестинци

КУДС

Израелската полиција интервенираше во судир помеѓу еврејските доселеници и Палестинците во окупираниот Источен Кудс (Источен Ерусалим), јавува Агенција Анадолија (АА).

Повреден е еден, а приведени се тројца Палестинци.

Очевидците наведуваат дека група еврејски доселеници, кои припаѓаат на радикална организација, ги провоцирала Палестинците со играње и пеење во соседството Ел-Исевије.

По расправата помеѓу Палестинците и еврејските доселеници, со солзавец и шок бомби интервенираше израелската полиција.

Палестинската Црвена полумесечина објави дека е хоспитализиран Палестинец кој е повреден со камен во главата.

Од израелската полиција наведено е дека во текот на физичката пресметка се приведени тројца Палестинци, а повредени се тројца полицајци.