Кремљ: Русија не прави бандитизам на државно ниво како што го прават тоа западните земји, вклучително и САД

МОСКВА (АА) - Портпаролот на Кремљ, Дмитриј Песков, во однос на можноста за кибернапади на неговата земја врз критичните инфраструктури во САД, рече: „Руската Федерација не прави бандитизам на државно ниво како што го прават тоа многу западни земји, вклучително и САД“, пренесува Агенција Анадолија (АА).

Песков во главниот град Москва даде изјави за медиумите во однос на актуелните прашања.

Оценувајќи ја изјавата на американскиот претседател Џо Бајден дека Русија би можела да изврши кибернапади врз критичните инфраструктури во неговата земја, Песков нагласи: „Руската Федерација не врши бандитизам на државно ниво како што го прават тоа многу западни земји, вклучително и САД.“

​​​​​​​

- „Сакаме преговорите со Украина да бидат побрзи“

Коментирајќи ја изјавата на украинскиот претседател, Владимир Зеленски, дека евентуалните прашања за помирување со Русија треба да се поднесат на референдум во Украина, Песков рече: „Украина е суверена држава и процесите можат и треба да бидат во рамките на државата.“

Во врска со преговорите меѓу Русија и Украина, Песков рече: „Има точки што двете делегации ги имаат на преговарачката маса. Не можам да навлегувам во детали за нив. Сигурни сме дека споделувањето со јавноста ќе му наштети на преговарачкиот процес, кој е бавен и помалку инклузивен отколку што би сакале ние.“

Наведувајќи дека сакаат преговорите да бидат побрзи и посеопфатни, Песков нагласи дека не се формирани специјални единици за одредување локални власти во регионите што ги зазеде руската Армија во Украина.