Кремљ: „Потрагата по мировна формула за Украина без учество на Русија е апсурден процес“

МОСКВА (АА) - Портпаролот на Кремљ, Дмитри Песков, денес ја нарече потрагата по „мировна формула“ за Украина без учество на Русија „апсурден процес што нема потенцијал за резултати“, јавува Анадолу.

„Оваа 'формула за мир', која често се споменува, знаете, овде само треба да ги отворите очите и да ги погледнете фактите - тие се обидуваат да бараат формула за мир без учество на Русија“, рече Песков на прес-конференција во Москва, осврнувајќи се на украинскиот мировен план од десет точки на претседателот Владимир Зеленски што беше претставен минатата година.

Песков понатаму истакна:

„Во најмала рака, ова е апсурден процес. Ова е процес што нема потенцијал за какви било резултати.“

Зеленски во октомври 2022 година потпиша декрет со кој изгледите за какви било украински преговори со рускиот претседател Владимир Путин е формално прогласена за невозможна.

Москва ја започна својата „специјална воена операција“ во Украина во февруари 2022 година во обид да ја „демилитаризира и денацифицира“ Украина.

Песков се согласи со Зеленски, кој во вторникот рече дека прашањето за мировните преговори со Русија не е актуелно овие денови.

„Навистина сметаме дека оваа тема не е актуелна сега и постојано велевме дека нема основа и предуслови за такви преговори“, рече Песков.

Портпаролот на Кремљ го поздрави гласањето на Генералното собрание на Обединетите нации за руската резолуција со која се повикува на борба против хероизацијата на нацистичката идеологија, која беше поддржана од 118 земји, додека 49 беа против, меѓу кои и Канада, Јапонија, Украина и Соединетите Американски Држави.