Кина му честиташе на Бајден за победата на претседателските избори во САД

ПЕКИНГ

Кина му честиташе на Џо Бајден, кој победи на претседателските избори во САД, пренесува Агенција Анадолија (АА).

Портпаролот на кинеското Министерство за надворешни работи, Ванг Винбин истакна: „Го почитуваме изборот на американскиот народ. Им честитаме на г. Бајден и г-ѓа (Камала) Харис (потпретседателката).“

Ванг не коментираше зошто изјавата со честитка доцни, но истакна дека „резултатот ќе биде потврден во согласност со законите и процедурите на САД“

Кина и Русија минатата недела се воздржаа од честитки за Бајден, кој беше избран за претседател.

Во САД сѐ уште продолжуваат дискусиите за резултатите од претседателските избори одржани на 3 ноември. Според неофицијалните резултати, Бајден, кој победи на изборите, стигна до 279 делегати и се очекува да ја преземе функцијата на 20 јануари 2021 година.