Кина ги поддржува напорите за правда во Палестина откако МКС издаде налози за приведување на Нетанјаху и Галант

ИСТАНБУЛ (АА) - Кина денес ги поддржа напорите за да се донесе правда во Палестина откако Меѓународниот суд за правда (МКС) издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант, објавија државните медиуми, пренесува Анадолу.

Пекинг „ги поддржува сите напори што придонесуваат за постигнување правда, го поддржува меѓународното право во врска со Палестина“, рече портпаролот на Министерството за надворешни работи Лин Џијан на прашањето за налозите на МКС издадени вчера.

„Им се спротивставуваме на сите акции со кои се прекршува меѓународното право, вклучително и меѓународното хуманитарно право и ги осудуваме сите практики што им наштетуваат на цивилите и нападите врз цивилните објекти“, изјави Лин.

МКС вчера објави дека издал налози за апсење на Нетанјаху и Галант за воени злосторства и злосторства против човештвото на палестинските територии, вклучително и Газа.

Се вели дека „нашле разумни основи“ да се верува дека Нетанјаху и Галант „носат кривична одговорност“ за „военото злосторство изгладнување како метод на војување, злосторства против човештвото за убиства, прогон и други нехумани дела“.

За прашањето за Палестина, портпаролот рече дека Кина „секогаш стоела на страната на правичноста и правдата, како и на страната на меѓународното право“.

Израел започна воена офанзива врз Појасот Газа по нападот на Хамас минатата година, при што се убиени речиси 44.000 луѓе, повеќето жени и деца, а повредени се над 104.000.

Израел, исто така, се соочува со случај за геноцид пред Меѓународниот суд на правдата за неговата смртоносна војна против Газа.