Канцеларијата за медиуми на палестинските затвореници ги објави имињата на затворениците што ќе бидат ослободени

ИСТАНБУЛ (АА) - Канцеларијата за медиуми на палестинските затвореници денес ги објави списоците на палестинските затвореници што ќе бидат ослободени во согласност со договорот за прекин на огнот во Газа, јавува Анадолу.

Канцеларијата ги објави имињата на 1.718 палестински затвореници и на 250 лица што се на издржување доживотна казна затвор, кои треба да бидат ослободени во замена за израелските заробеници.

Процесот на ослободување на израелските заробеници започна денес, соопшти Црвениот крст.

Минатиот месец Трамп претстави план за прекин на огнот од 20 точки за Газа, кој вклучува ослободување на сите израелски заробеници во замена за околу 2.000 палестински затвореници, траен прекин на огнот и постепено повлекување на израелските сили од целиот Појас Газа.

Од октомври 2023 година во израелските напади врз Појасот Газа убиени се повеќе од 67.600 Палестинци, повеќето од нив жени и деца.