ИСТАНБУЛ (АА) – Иран денес ги повика земјите од регионот на Блискиот Исток да формираат „безбедносен и воен сојуз” што експлицитно ги исклучува Соединетите Американски Држави (САД) и Израел, јавува Анадолу.

„Дојде време да се формира безбедносен сојуз без Соединетите Американски Држави и Израел“, изјави Ебрахим Золфагари, портпарол на командниот штаб „Катам ал-Анбија“ на Иранските вооружени сили, во видеопораката упатена до арапскиот и исламскиот свет.

Тој ја опиша американската и израелската агресија против Иран како почеток на „нова фаза“ и истакна дека Иран е на чело на одбраната на исламскиот уммет.

Исто така, ја нагласи потребата да не се потпираат на надворешни сили и да се вратат на учењата на Куранот, велејќи дека на регионалните земји не им се потребни далечни земји за да ја осигурат својата безбедност.

„Мора да се обединиме за да ја гарантираме нашата безбедност и да се движиме кон повелба за колективна безбедност заснована врз исламот и Куранот како референца, јадро и цврст темел“, изјави тој.

Непријателствата ескалираа со почетокот на американско-израелските напади врз Иран на 28 февруари.

Иран возврати со напади со беспилотни летала и ракети насочени кон Израел и земјите од Персискиот Залив, каде што се стационирани американски воени бази.