Ahmet Dursun
10 Ноември 2022•Ажурирај: 11 Ноември 2022
АНКАРА (АА) - Иран соопшти дека развил нов хиперсоничен балистички проектил со капацитет да ги надмине развиените системи за воздушна одбрана, пренесува Агенција Анадолија (АА).
Според иранската официјална новинска агенција ИРНА, Емир Али Хаџизаде, командант на воздухопловните сили при Револуционерната гарда на Иран, на настан во Техеран истакна дека Иран развил нов балистички проектил.
Хаџизаде нагласи дека овој балистички проектил поседува хиперсонична брзина.
Тој тврди дека проектилот може да ги надмине развиените системи за воздушна одбрана и дека може да врши маневри и во атмосферата и надвор од атмосферата.
Иранскиот командант не даде повеќе детали во врска со проектилот.
Хиперсоничните проектили може да се движат петпати побрзо од брзината на звукот. Поради овие спецификации, хиперсоничните проектили не може да бидат спречени од страна на системите за воздушна одбрана.
