Иран: Бројот на жртви од нападите на САД и Израел се искачи на 787

ИСТАНБУЛ (АА) - Бројот на жртви од тековните напади на САД и Израел врз Иран се искачи на 787, соопшти денес иранската Црвена полумесечина, јавува Анадолу.

Операциите за пребарување и спасување се во тек во урнатините на бомбардираните згради, се вели во писменото соопштение на организацијата, цитирано од државната новинска агенција „Тасним“.

Не се дадени информации за бројот на повредени.

САД и Израел започнаа со големи напади врз Иран од саботата, при што се убиени неколку врвни ирански лидери, вклучувајќи го врховниот лидер Али Хаменеи и високи воени официјални претставници.

Како одговор, Техеран возврати со напади со беспилотни летала и ракети насочени кон Израел, како и кон регионалните земји каде што се наоѓаат американски бази.