Иран бара вонреден состанок на Советот за безбедност на ОН поради нападите на Израел

ЕРУСАЛИМ (АА) - Иран побара вонреден состанок на Советот за безбедност на ОН (СБОН) поради нападите на Израел, известува Анадолу.

Според иранската официјална агенција ИРНА, постојаната мисија на Иран во ОН ги осуди „нападите на Израел врз нуклеарните објекти на Иран и атентатите врз воени функционери“ во писмото со итен допис испратено до СБОН.

Постојаната мисија на Иран во ОН побара итен состанок на СБОН за да се повика Израел на одговорност за овие напади.

Израелскиот Кабинет за безбедност се состана синоќа, а утрово премиерот Бенјамин Нетанјаху објави дека започнале сеопфатен напад врз Иран.