Ирак: Во заседа на ДЕАШ убиени осум полицајци

ДИЈАЛА (АА) - Најмалку осум ирачки полицајци се убиени во заседа на ДЕАШ на автопат во Ирак, пренесува Anadolu Agency (AA).

Хабиб ал Шамари, капетанот на полицијата во покраината Дијала, изјави дека заседата била направена на автопатот Багдад - Киркук, и дека полицајците се однесени на рид во близина, каде што се убиени.

Поручникот Семир ал Хамиди изјави дека по сознанието за заседата, во тоа подрачје биле испратени припадниците на Федералната полиција и Хашд ал Шаби.

Групата под заштита на провладините шиитски милитанти, Хашд ал Шаби, беше формирана во 2014 година, за борба против ДЕАШ.

Во декември минатата година официјалните лица на Багдад прогласија дека военото присуство на ДЕАШ во Ирак е уништено.

Изгледа дека озлогласената терористичка организација ги одржала „успиените ќелии“ во одредени делови на земјата вклучувајќи ја Дијала и соседната покраина Саладин.