Илјадници Израелци протестираа во Тел Авив за крај на војната во Газа и продолжување на преговорите со Хамас

ТЕЛ АВИВ (АА) - Илјадници израелски демонстранти синоќа протестираа на плоштадот Хабима во Тел Авив, Израел, повикувајќи на крај на војната во Газа и продолжување на преговорите со Хамас, јавува Анадолу.

Демонстрантите држеа транспаренти кои повикуваа на ослободување на заложниците и вееја израелски знамиња.

Израел ги продолжи нападите врз Газа на 18 март, со што беше прекршен двомесечниот прекин на огнот.

Над 50.600 Палестинци се убиени во Газа во бруталната израелска офанзива која започна во октомври 2023 година, повеќето од нив жени и деца.

Меѓународниот кривичен суд во ноември минатата година издаде налози за апсење за Нетанјаху и неговиот поранешен министер за одбрана Јоав Галант, за воени злосторства и злосторства против човештвото во Газа.

Израел се соочува и со случај за геноцид пред Меѓународниот суд на правдата за неговите постапки во енклавата.