Израелските сили застрелаа две палестински деца на окупираниот Западен Брег

АЛ-КУДС/ЕРУСАЛИМ (АА) - Израелските сили застрелаа и убија две деца во Џенин на окупираниот Западен Брег, јавува Анадолу.

Палестински извори соопштија дека израелските сили ги прогласиле градот Џенин и истоимениот бегалски камп за „затворена воена зона“ и наведоа дека за време на рацијата се уапсени многу Палестинци.

Од палестинското Министерство за здравство се наведува дека израелските сили со боева муниција убиле две палестински деца во Џенин.

Палестинската Црвена полумесечина објави дека едно од децата убиени од израелските сили имало девет години.

На снимката од нападот од безбедносните камери се гледа како едно од палестинските деца, кое со трчање се обидува да побегне, е застрелано и паѓа на земја.

На снимката се гледа и како пријател го носи палестинското дете, кое лежи на земја, пред автомобилот во близина.

Во окупираниот Западен Брег и Источен Ал-Кудс (Источен Ерусалим) во нападите на израелските сили и еврејските доселеници од 7 октомври досега убиени се 244 Палестинци.