Израелските воени авиони го нападнаа сирискиот аеродром во Алепо

АНКАРА (АА) - Израелските воени авиони рано утринава извршија воздушен напад врз аеродромот во Алепо во северозападна Сирија, соопшти сириската новинска агенција САНА, пренесува Анадолу.

Повикувајќи се на неименуван воен извор, новинската агенција објави дека проектилите биле насочени кон Меѓународниот аеродром во Алепо, предизвикувајќи „материјална штета“.

„Израелскиот непријател започна воздушен чин на агресија со голем број проектили од правец на Средоземното Море, западно од Латакија, насочени кон околината на Меѓународниот аеродром во Алепо“, САНА го цитираше изворот.

Нема информации за жртви.

Израел изврши неколку воздушни напади врз позициите на групите поддржани од Иран и сирискиот режим од граѓанската војна во земјата во 2011 година.