Израелската армија уништи делови од ѕидот на зградата на Црвен крст

ГАЗА (АА) - Израелската армија денес уништи делови од ѕидот на зградата во која се наоѓа Меѓународниот комитет на Црвениот крст пред да се повлече од западниот дел на градот Газа, јавува Анадолу.

„Гаѓањето предизвика значителна штета на просторијата за обезбедување и предниот двор на штабот“, изјавија очевидци за Анадолу.

За овој случај засега нема коментари од претставници на Црвениот крст и израелската армија.

Од прекуграничниот напад на палестинската група Хамас на 7 октомври, при што загинаа околу 1.200 луѓе, во израелската офанзива врз Газа загинаа повеќе од 28.000 луѓе и се предизвика масовно уништување и недостиг на неопходни работи.

Според Обединетите нации, израелската војна против Газа принуди 85 отсто од населението на територијата внатрешно да се раселат поради акутен недостиг на храна, чиста вода и лекови, а 60 отсто од инфраструктурата на енклавата се оштетени или уништени.

Израел е обвинет за геноцид пред Меѓународниот суд на правдата, кој со привремената одлука во јануари му нареди на Тел Авив да ги запре геноцидните дејства и да преземе мерки за да гарантира хуманитарна помош за цивилите во Газа.