Израел распоредува радарски системи во ОАЕ и Бахреин против Иран

КУДС (АА) - Израел постави радарски системи за рано предупредување во Обединетите Арапски Емирати (ОАЕ) и Бахреин за да открие „ракетни закани“ од Иран, пренесува Агенција Анадолија (АА).

Радарските системи работеа пред само неколку месеци кога Иран се обиде да го нападне Израел со беспилотни летала над ирачкиот воздушен простор, објави израелскиот Канал 12.

Се додава дека САД се подготвуваат да формираат нов безбедносен сојуз против Иран, вклучително и со некои арапски земји со кои Израел нема дипломатски односи во регионот.

Во меѓувреме, до американскиот Конгрес е поднесен предлог-закон со цел создавање интегриран систем за противвоздушна одбрана за зајакнување на соработката меѓу Израел и соседните арапски држави против Иран, според „Волстрит џурнал“.

Израелскиот премиер Нафтали Бенет во четвртокот престојуваше во главниот град на Обединетите Арапски Емирати, Абу Даби, и се сретна со претседателот Шеик Мухамед бин Зајед ал-Нахјан.