Израел ослободи нова група палестински затвореници според договорот за прекин на огнот во Газа

АНКАРА (АА) - Автобус со група палестински затвореници ослободени денес од израелските затвори пристигна во градот Рамала на Западниот Брег, во рамки на договорот за прекин на огнот во Газа.

Репортерот на Анадолу јави дека во автобусот на Црвениот крст имало околу 42 затвореници, кои се пречекани од сограѓани, кои од рано утрото се собраа да ги пречекаат ослободените затвореници.

Затворениците се ослободени од воениот затвор „Офер“ во близина на Рамала, во рамки на првата фаза од договорот за прекин на огнот во Газа и размена на затвореници што стапи на сила на 19 јануари.

Израел денес треба да ослободи 183 затвореници во замена за тројца израелски заробеници кои Хамас ги ослободи утрово.

Вкупно шеснаесет израелски заробеници и пет тајландски работници досега се ослободени според договорот за прекин на огнот во Газа во замена за стотици палестински затвореници.