Израел го затвори граничниот премин во Појасот Газа

КУДС (АА) - Израел објави дека од денес го затворил граничниот премин „Беит Ханун“ во северниот дел на Појасот Газа сè до понатамошно известување, јавува Агенција Анадолија (АА).

„Одлуката е донесена поради ракетите лансирани од Газа“, се вели во соопштението на израелската Канцеларија за координација на владините активности за териториите во Ерусалим.

Во соопштението се додава дека преминот ќе остане затворен, освен за хуманитарни и исклучителни околности до ново известување.

Израелската Армија утринава објави дека алармните системи пуштиле сирени во градот Сдерот и во другите региони. Во изјавата на Армијата не се споменува причината за инцидентот.

Во неделата, израелски воен авион го имаше за цел набљудувачкиот пункт на бригадите „Изудин ал-Касам“, вооружено крило на групата за отпор Хамас во централна Газа.

Израелската Армија го оправда нападот тврдејќи дека ракети од Појасот Газа ги погодиле израелските територии.