Земјотрес со интензитет од 6,5 степени го потресе северозападниот регион на Бразил

АНКАРА (АА) - Земјотрес со интензитет од 6,5 степени според Рихтер утринава го потресе северозападниот регион на Бразил, известува Анадолу.

Американскиот центар за геолошки истражувања објави дека епицентарот на потресот е регистриран кај местото Тарауака во сојузната бразилска држава Акре.

Во соопштението се наведува дека епицентарот бил на длабочина од 609 километри.

Потресот се почувствува во поширокото подрачје на Акре, држава која е дом на Амазонската прашума, како и во соседен Перу.

Засега нема информации за последиците од земјотресот.