Ekipa
19 Декември 2018•Ажурирај: 20 Декември 2018
БЕРЛИН (АА) - Официјалните претставници на Европската Унија се согласија да забранат одредени пластични производи за еднократна употреба, како што се приборот за јадење за еднократна употреба, чинии и сламки, со цел да се намали загадувањето на морињата, пренесува Anadolu Agency (AA).
Претставниците од 28-те земји членки на ЕУ и Европскиот парламент денес истакнаа дека ја следат препораката дадена во текот на оваа година од страна на извршната институција на блокот, Европската комисија.
Откако забраната ќе биде формално одобрена, земјите ќе имаат временски период од две години да ја имплементираат.
Оваа мерка, исто така, ќе ги вклучи и пластичните памучни стапчиња и стапчињата за пијалаци, пластичните држачи за балони и пластичните и полистиренските садови за еднократна употреба и садовите за пијалаци.
ЕУ, исто така, сака да ја зголеми употребата на рециклирана пластика и да ја намали количината на ситните честички пластика кои се ослободуваат од влажните марамчиња, филтерот за цигари и од друго.
Постои зголемена загриженост за акумулирањето на таканаречената микропластика во океаните.
