Diyar Güldoğan
13 Јули 2023•Ажурирај: 14 Јули 2023
АНКАРА (АА) - Туркије сака дополнително да ги зајакне своите врски со Саудиска Арабија, Катар и Обединетите Арапски Емирати (ОАЕ), рече турскиот претседател Реџеп Таип Ердоган пред претстојната посета на земјите од Заливот, јавува Анадолу.
„Имаме надеж во оваа посета. Ги испратив моите пријатели пред време. Тие ги посетија Саудиска Арабија, Катар, ОАЕ. Ќе ги посетиме (овие земји) со делегација. Би сакале дополнително да ги зајакнеме сите видови односи меѓу нас преку патување во Саудиска Арабија, Катар и ОАЕ“, им рече Ердоган на новинарите на враќање од дводневниот Самит на НАТО во Литванија.
Се очекува Ердоган да ги посети Саудиска Арабија, Катар и ОАЕ од 17 до 19 јули.
Пред Ердоган, потпретседателот на Туркије, Џевдет Јилмаз, и министерот за трезор и финансии, Мехмет Шимшек, престојуваа во посета на Катар за да разговараат за економската соработка.
„За време на прелиминарните посети, нашите пријатели дадоа одредени информации. На нашите претходни состаноци тие рекоа: 'Подготвени сме да направиме значителни инвестиции во Туркије.' Ќе го финализираме ова преку оваа посета“, рече Ердоган, додавајќи дека овие инвестиции би можеле да бидат во Туркије, Саудиска Арабија, Катар или ОАЕ.
