Serdar Dincel,Gizem Nisa Çebi
10 Февруари 2025•Ажурирај: 11 Февруари 2025
ИСТАНБУЛ (АА) - Турскиот претседател Реџеп Таип Ердоган денес изјави дека трошоците за штетата предизвикана од уништувањето во Газа се проценуваат на 100 милијарди долари и дека Владата на израелскиот премиер Нетанјаху е одговорна за „оваа голема сметка“, јавува Анадолу.
„Израелската администрација мора прво да биде обвинета за уништувањето што го предизвика и со тоа треба да започне процесот на обнова во Газа“, рече Ердоган на Состанокот за стратешка соработка меѓу Туркије и Малезија во новиот век во Куала Лумпур заедно со малезискиот премиер Анвар Ибрахим.
„Наместо да бара место за жителите на Газа, кои не може да ги избрка од својата земја, Нетанјаху треба да бара извор за покривање на 100 милијарди долари од штетата што ја предизвика во палестинската енклава“, рече турскиот претседател.
„Домовите, земјиштето и работните места запленети од израелската држава и 'нечесните' доселеници мора да им бидат вратени на вистинските палестински сопственици“, додаде Ердоган.
Тој истакна дека никој нема да може да изврши втора Накба на палестинскиот народ.
Ердоган, исто така, изјави дека градењето систем заснован на доверба кој ги опфаќа сите и ги вреднува разликите како извор на богатство не е избор, туку обврска.
„Од економија до дипломатија, од трговија до безбедност, ни треба нов пристап и нов глобален поредок за решавање на проблемите“, истакна тој.
Анвар изјави дека Туркије е земја која значително ја зголемила својата национална свест и чест и станала геополитичка сила.
