Ердоган зборуваше на настанот што се одржа во Ахлат по повод 951-годишнината од победата на Битката кај Малазгирт

БИТЛИС (АА) - Претседателот на Туркије, Реџеп Таип Ердоган, истакна дека Ахлат и Манцикерт се печат на подемот на Туркије што им дава доверба на пријателите и страв на непријателите“, јавува Агенција Анадолија (АА).

Претседателот Ердоган одржа говор на настанот што се одржа во Ахлат по повод 951-годишнината од победата на Битката кај Малазгирт (Манцикерт).

Изјавувајќи дека Ахлат со векови бил чувар и центар на портата што ја отворил султанот Алпарслан во Манцикерт, Ердоган нагласи: „Ахлат и Манцикерт (Малазгирт) се имињата на нашата волја повторно да ја подигнеме нашата цивилизација. Ахлат и Манцикерт се печат на нашиот подем што им дава доверба на нашите пријатели и страв на нашите непријатели.“

Претседателот Ердоган во свето излагање, исто така, додаде:

„Овој град, кој беше наследство на многу големи луѓе од Хазрети Омер до султанот Алпарслан, за жал, долго време беше запоставен, исто како и Манцикерт. Заедно со Манцикерт го реконструираме и обновуваме Ахлат во согласност со неговото историско и духовно значење. Како што гледаме, нашите млади се грижат за Ахлат и Манцикерт, а со тоа нашата доверба за голема и моќна Туркије и нашата надеж за визијата за 2053 година се зголемуваат“, нагласи претседателот Ердоган.

Битката кај Манцикерт, односно кај денешниот град Малазгирт во источна Туркије, се случила во 1071 година кога турските Селџуци, под водство на султанот Алп Арслан, го победија византискиот цар Роман IV.

Последица на поразот била ослабената одбранбена моќ на Византијците, но и доселувањето на туркијското население во историската област Анадолија.

Битката кај Малазгирт во историјата се смета за пресуден момент кој е директно одговорен за подоцнежното пропаѓање на Византија, а Селџуците, понесени од победата во таа битка, ги продолжија своите победнички походи во Мала Азија.

Денеска се одбележува 951-годишнината од таа значајна битка.