Експлозија во стан во Париз, загинаа три лица

ПАРИЗ (АА) - Три лица загинаа во експлозија што се случи вчера во стан во Париз, објавија француските медиуми, пренесува Анадолу.

Експлозијата се случила во стан на седмиот кат во зграда во 11. арондисман во Париз, објави весникот „Ле Парисиен“.

Еден жител, обземен од паника додека се обидувал да избега од настанатиот пожар, скокнал од зградата и починал.

Пожарникарите брзо пристигнале и го локализирале пожарот, но во станот биле пронајдени две мртви лица.

На евакуираните жители им било кажано дека може да се вратат во своите станови за два часа.

Отворена е истрага за причините за експлозијата.