Еден убиен, неколку повредени во самоубиствен бомбашки напад врз полициска патрола во сириски Алепо

Еден припадник на безбедносните сили е убиен, а неколку други се повредени во самоубиствен бомбашки напад вечерва во северниот град Алепо, објавија државните медиуми, пренесува Анадолу.

Нападот бил насочен кон полициска патрола во областа Баб ал-Фараџ во Алепо, соопшти Сириската арапска новинска агенција (САНА).

Државната телевизија Ал-Икбарија, повикувајќи се на безбедносен извор, објави дека напаѓачот се разнел за време на безбедносен преглед откако предизвикал сомнеж.