Дневниот проток на гас од Русија кон Европа на најниско ниво во последните четири години

АНКАРА (АА) - Протокот на природен гас од Москва до Европа се намали на најниското ниво во последните четири години, под 100 милиони кубни метри од почетокот на јули од количества кои се движеа од 400 до 500 милиони кубни метри на ден.

Според податоците од Меѓународната агенција за енергија (IEA) и операторот за систем на пренос на Украина, Европа увезла 155 милијарди кубни метри природен гас од Русија, задоволувајќи 40 проценти од потрошувачката на природен гас на континентот минатата година.

Русија, која испраќа природен гас во Европа преку Украина, исто така пренесува природен гас во Европа и Туркије користејќи ги гасоводите на природен гас „Турски тек“, „Северен тек 1“, „Јамал“ и „Син тек“.

Сепак, од почетокот на војната во Украина, нејзините извози кон Европа значајно се намалиле од оние во октомври 2019 година од над 500 милиони кубни метри, потврдија податоците на ИЕА.

Од 24 февруари оваа година, со почетокот на руските напади во Украина, намалениот проток на транзит низ Украина и прекинот на преносот од гасоводот на природен гас „Северен тек 2“, падот забрза и падна на 200 милиони кубни метри до крајот од мај.

Овој проток дополнително се намали на 100 милиони кубни метри на почетокот на јули, означувајќи пад од 80 отсто во однос на рекордните 500 милиони кубни метри.

Намалувањето на капацитетот на гасоводот „Северен тек 1“ беше одлучувачко во намалувањето во протокот за гас. „Гаспром“ на Русија на 15 јуни предупреди на намалени испораки преку гасоводот, поради техничката опрема која не е вратена, неопходна за одржување од германската компанија „Сименс“.

Гасоводот, кој може да пренесува 160 милиони кубни метри гас на ден, сега пренесува само 65 милиони кубни метри на природен гас на ден од 21 јули.

- Европа го продолжува својот план да се одвикне од испораките на руски гас

Бидејќи Европа има висока зависност од руската енергија, ЕУ направи забрзани напори за диверзификација на снабдувањето и бара алтернативи со купување течен природен гас (LNG) и полнење резервоари за складирање природен гас таму каде што е можно од сегашната стапка на искористеност од 64 проценти.

За таа цел, беше потпишан Меморандум за разбирање помеѓу ЕУ и Баку за повеќе набавки на гас од Азербејџан за да се олесни недостигот во текот на зимата.

Сепак, и покрај деветте терминали за транспорт на ЛНГ во Европа, Велика Британија, Туркије и Германија, едни од најголемите увозници на руски гас, не можат да ги искористат овие капацитети бидејќи увезуваат гас само преку гасовод.

Највисокиот капацитет за увоз на ЛНГ во Шпанија од околу 70 милијарди кубни метри има ограничена врска за пренос на гас до другите европски земји, особено до Франција, која пак нема врска, што го спречува преносот на гасот во други соседни земји.

Иако Германија има пристап до терминалите на ЛНГ во Холандија, тоа е недоволно за побарувачките во земјата.

Во текот на мандатот на американскиот претседател Доналд Трамп, изградбата на терминал за увоз на ЛНГ дојде до израз поради американскиот притисок врз Германија, но процесот беше суспендиран поради финансиски причини. Поради војната меѓу Москва и Киев, прашањето повторно се појави и Германија на крајот се согласи да изгради терминали за ЛНГ.

За да се ублажи недостигот на гас, ЕУ побара сите земји членки да ја намалат побарувачката на гас за 15 отсто, во рамките на планот за вонредни состојби подготвен против можноста за целосен прекин на проток за гас од Русија на 20 јули.

Сепак, Шпанија беше првата која одговори на ова со изјава од шпанската министерка за животна средина, Тереза Рибера, која рече дека „што и да се случи, струјата и гасот нема да им бидат прекинати на шпанските семејства. Што и да се случи, Шпанија ќе ја брани позицијата на шпанската индустрија“.