Двајца турски војници загинаа во терористички напад во северен Ирак

АНКАРА

Двајца турски војници загинаа во напад на терористите на ПКК во пограничната антитерористичка операција во северен Ирак, се соопштува од Министерството за одбрана на Турција, јавува Агенција Анадолија (АА).

„Војниците загинаа, уште еден е повреден во напад на терористите во операцијата „Канџа-тигар“ во северен Ирак“, се соопштува од Министерството.

Министерството во соопштение на Твитер денеска изрази сочувство до семејствата на загинатите војници и до турскиот народ.

Турската операција „Канџа-тигар“ започна во средината на јуни со цел да се осигура безбедноста на турскиот народ и границите со неутрализирање на заканата која доаѓа од ПКК и од другите терористички групи во регионот.

Во својата над 30-годишна терористичка кампања против Турција, ПКК, која се наоѓа на листата терористички организации на Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои и деца и жени.