ИСТАНБУЛ (АА) - Министерот за одбрана на Данска, Троелс Лунд Поулсен, денес го нарече планираниот состанок со САД за Гренланд следната недела „навистина добра вест“, јавува Анадолу.

„Мислам дека тоа е навистина добра вест бидејќи покажува дека сега имаме можност директно да разговараме едни со други наместо тоа да го правиме преку медиумите, а средбата секогаш е добра идеја“, изјави Поулсен за јавниот радиодифузен сервис ДР.

Тој повтори дека е важно разговорот да се одвива во доверлива средина, а не пред медиумите.

„Ова е дијалогот што е неопходен, на кој Владата повика заедно со Владата на Гренланд“, додаде Поулсен.

Американскиот државен секретар Марко Рубио вчера изјави дека ќе има состанок со данските претставници следната недела откако Данска побара разговори поради зголемените тензии по заканите на претседателот Доналд Трамп за Гренланд.

Еден ден по американската воена операција во Венецуела во која беше заробен претседателот Николас Мадуро, Трамп во неделата го повтори својот повик за преземање на Гренланд од „интереси за националната безбедност“.

„Потребен ни е Гренланд од гледна точка на националната безбедност, а Данска нема да може да го стори тоа“, рече тој кога беше прашан за каква било потенцијална акција на САД против Гренланд.

Гренланд е автономна територија во рамките на Кралството Данска и постојано ги отфрла предлозите што сугерираат каков било трансфер на суверенитетот на САД.

Данската премиерка Мете Фредериксен го повика Трамп да „ги запре заканите“ и дека „сè ќе стопира“ доколку бидe нападнат.