Голем пожар во Јапонија оштети над 170 објекти, едно лице е исчезнато

АНКАРА (АА) - Масовен пожар избувна во населба во југозападна Јапонија, при што се оштетени повеќе од 170 згради, објавија локалните медиуми денес, пренесува Анадолу.

Пожарот започнал доцна синоќа и се проширил низ густо населена населба во градот Оита, објави новинската агенција „Кјодо“.

Локалните жители беа принудени да ги напуштат своите домови, а властите евакуираа повеќе од 170 луѓе, додека едно лице се води како исчезнато.

Пожарникарите продолжуваат да се борат со пожарот.