Германските здравствени работници повторно штрајкуваат поради спорот околу платите

БЕРЛИН (АА) - Стотици здравствени работници, вработени во големите болници во Берлин, денес ја прекинаа работата барајќи повисоки плати и подобри услови за работа, јавува Анадолу.

Во штрајкот учествуваат вработените во Чарит, една од најголемите универзитетски болници во Европа, како и вработените во болницата Вивантес и Еврејската болница, објави синдикатот Вер.ди.

Синдикатот го започна штрајкот откако минатиот месец без договор заврши вториот круг од колективните преговори со Владата и локалните власти.

Синдикатот, кој претставува околу 2,5 милиони работници во јавниот сектор, бара зголемување на платите за 10,5 отсто или најмалку 500 евра, во услови на висока инфлација и криза на трошоците за живот.

Новата рунда преговори е планирана за крајот на март.