Германија: Туристички автобус излета од пат, повредени 43 патници

БЕРЛИН (АА) - Туристички автобус што тргнал кон австриските Алпи, излетал од локалниот пат во Горна Баварија во Германија. Во несреќата се повредени 43 од 61 лице колку што се наоѓале во автобусот, пренесува Агенција Анадолија (АА).

Околу 7:30 часот утрово двокатен автобус излетал од патот во близина на Инцел, во местото Траунштајн во германската покраина Баварија, соопшти полицијата.

Во несреќата не учествувало друго возило.

Полицијата информираше дека седум патници се потешко повредени, додека 36, вклучувајќи го и возачот, несреќата ја минале со полесни повреди.

Автобусот се обраќал на релацијата од германската покраина Северна Рајна Вествалија до австрискиот ски-центар Капрун, соопшти полицијата, потврдувајќи дека автопатот и понатаму е затворен за сообраќај.