Ekip
15 Декември 2017•Ажурирај: 15 Декември 2017
БЕРЛИН (АА) - Обвинителите објавија дека двајца австриски и еден германски државјанин загинале при пад на мал авион во југозападна Германија, пренесува Anadolu Agency (AA).
Малиот авион од тип Cessna 510, падна вчера во шумското подрачје во близина на градот Равенсбург. Авионот полетал од Франкфурт и патувал за Фридрихсхафен, а паднал на дваесетина километи од крајната дестинација.
Волфганг Ангстер, главниот обвинител во градот Констанц изјави дека загинале двајца австриски пилоти, 45 годишен од регионот Воралберг и 49 годишен од Виена. Од нив загина и патник 79 годишен Германец, кој живеел во регионот околу езерото на Констанц.
Службениците на спасувачката служба и итна помош успеаха да ги пронајдат телата и да ги тргнат од местото на несреќата, и обемното паѓање на снег. За причините за несреќата ќе се дознае повеќе по истрагата.
