Германија: Маж физички нападнал муслиманка и ѝ ја искинал шамијата

БЕРЛИН (АА) - Маж во Германија физички нападнал муслиманка и ѝ ја искинал шамијата, пренесува Агенција Анадолија (АА).

Како што наведува весникот „Тагершпигел“, маж навредувал и физички нападнал жена со шамија во квартот Вајсензе во главниот град Берлин.

Наведено е дека 37-годишниот маж ѝ ја искинал шамијата на 39-годишна жена која јадела во ресторан и ја удрил во главата и горниот дел од телото.

Германската полиција започна истрага за нападот.

Полицијата објави дека осомничениот имал околу 2,2 промили алкохол во крвта.