Германија го отфрли барањето на Грција за воена репарација

БЕРЛИН (АА) - Германија денеска го отфрли барањето од Грција за надомест за штетите предизвикани во светските војни, јавува Anadolu Agency (AA).

„Прашањето за компензација е политички и законски затворено“, истакна портпаролот на германското Министерство за надворешни работи, Рајнер Брул, на прес-конференцијата во Берлин.

„Ставот на Германија не се промени по ова прашање“, рече тој.

Од 2015 година, неколку грчки политичари тврдеа дека Германија ѝ должи на Грција околу 280 милијарди евра репарации од Втората светска војна.

Германската Влада постојано тврдеше дека прашањето за репарациите од Втората светска војна било решено според претходните меѓународни договори.