Германија: Во пукотница во ноќен клуб загинаа две лица

БЕРЛИН (АА) - Најмалку две лица загинаа во оружен напад во еден ноќен клуб во Костанца, германски град во сојузната покраина Баден-Виртемберг, јавува Anadolu Agency (AA).

Германската полиција и обвинителството во заедничкото соопштение наведоа дека вооружен напаѓач рано утрово во ноќен клуб отворил оган и убил едно, а ранил најмалку три лица.

Пукотниците предизвикаа паника и стампедо во ноќениот клуб во најголемиот град во Германија на Боденското Езеро.

Напаѓачот при излегување од клубот е убиен во престрелка со полицијата. Притоа полесно е ранет и еден полицаец.

Истрагата за случајот е во тек, а полицијата соопшти дека сѐ укажува на тоа дека напаѓачот дејствувал сам.

Во Констанца денес се зајакнати безбедносните мерки.