Втора експлозија за една недела во Данска

АНКАРА

Експлозија настана пред полициска станица во данската престолнина Копенхаген, пренесува Anadolu Agency (AA).

Според информациите објавени во локалните медиуми, во подрачјето Норебро во главниот град Копенхаген дошло до експлозија пред една полициска станица. Во експлозијата нема загинати или ранети, но оштетена е фасадата на објектот.

За една недела ова е втора експлозија во главниот град.

Во средата, на 7 август, имаше експлозија пред данската Даночна управа, при што едно лице беше полесно повредено. Полицијата тогаш соопшти дека експлозијата била осмислен напад.

Засега официјално не е објавена поврзаност меѓу двете експлозии.