Вооружен инцидент во Калифорнија: Животот го загубија 6 лица

ВАШИНГТОН (АА) - Најмалку 6 лица загинаа во вооружен инцидент што синоќа се случи во американската сојузна држава Калифорнија, јавува Anadolu Agency (AA).

Официјални полициски претставници соопштија дека вооружениот напаѓач убил 5 лица, меѓу кои и сопствената сопруга, а потоа се самоубил.

Инцидентот се случил во местото Бејкерсфилд, во јужниот дел на Калифорнија.

Локалниот шериф Дони Јангблад изјави дека напаѓачот прво ја убил сопствената сопруга, а потоа уште 4 лица кои биле во негова близина.

Напаѓачот со украдено возило се обидел да избега од местото на настанот, а потоа извршил самоубиство откако го пресретнал заменикот на локалниот шериф.

Во тек е истрага за настанот.