Во судирите на ирачките сили и пешмергите загинаа и ранети се повеќе лица

ЕРБИЛ (АА) - Пешмергите тврдат дека во вчерашниот судир со ирачките безбедносни сили на патот Керкук - Ербил животот го загубија и се ранети повеќе од 150 претставници на безбедносните сили, јавува Anadolu Agency (AA).

Раководството на пешмергите објави дека се судриле со ирачките безбедносни сили во градот Алтинќопру, при што загинале и се ранети повеќе од 150 претставници на заедничките ирачки безбедносни сили, додека од страната на пешмергите загинале 6 лица.

Во соопштението се вели: „Пешмергите ги растурија нападите кои ги изведуваа борците на Хашди Шаби и нивните сојузници”.

Ирачката влада сѐ уште не даде никаква изјава во врска со настанот.

Воената медиумска мрежа, која е поврзана со ирачкото министерство за одбрана објави; „Во борбата против тероризмот, федералната полиција и силите на Хашди Шаби воспоставија безбедност во Алтинќопру”.

Министерството за одбрана на Ирак објави дека по ослободувањето на градот Алтинќопру, воспоставена е целосна контрола врз нафтените полиња кои се наоѓаат во околината на Керкук.