Во Сирија објавен првиот кабинет на претседателот Шара

ДАМАСК (АА) - Во Сирија е објавен новиот кабинет под водство на претседателот Ахмет Шара, известува Анадолу.

Во Народната палата во Дамаск, главниот град на Сирија, беше одржана церемонија на заклетва на првиот кабинет формиран под претседателство на претседателот Ахмет Шара по соборувањето на 61-годишниот режим на Баас.

Говорејќи на церемонијата претседателот Шара се обрати со зборовите:

„Денес е денот кога почнуваме да чекориме кон иднината што ја заслужуваме, со силата што ја црпиме од нашето минато, со силна волја и одлучност. “

Во своето обраќање Шара зборуваше за неговите планови и визија за иднината на Сирија:

„Ќе ги обновиме државните институции и ќе ги темелиме сите процеси врз принципите на транспарентност и отчет. Ќе се бориме против економските и социјалните проблеми кои нашиот народ ги доживува долги години. Ќе ги заштитиме и дополнително ќе ги зајакнеме човековите права и основните слободи. Ќе го подобриме нашиот образовен и здравствен систем за да им понудиме подобар живот на идните генерации“.

„Работејќи заедно, ќе ја развиваме нашата татковина и никогаш нема да дозволиме корупцијата да се инфилтрира во нашите институции. Правдата е основата на сè, а оваа вредност ќе биде компасот по кој ќе се води секоја одлука што ќе ја донесеме“, рече Шара.

Претседателот Шара во својот говор го истакна следното:

„Со оваа влада сме посветени на патот на промени и развој. Ќе работиме дење и ноќе за да се осигураме дека нема да ја изневериме довербата на нашиот народ.“

На церемонијата говореа и министрите од новиот кабинет.

Имињата од составот на кабинетот на Шара се:

1. Министерот за надворешни работи Асад Хасан Шабани

2. Министер за одбрана Мурхаф Абу Касра

3. Министер за внатрешни работи Енес Хатаб

4. Министер за правда Махзар ал Вејс

5. Министерот за високо образование Мерван Халеби

6. Министер за фондации Мухамед Ебу Хајир Шукри

7. Министер за социјална работа и труд Хинд Кабават

8. Министер за енергетика Мухамед Бешир

9. Министер за финансии Мухамед Јуср Берније

10. Министерот за економија Нидал Шар

11. Министер за здравство Мусаб Незал ал Али

12. Министер за локална самоуправа Мухамед Анџерани

13. Министер за телекомуникации Абдуселам Хејкел

14. Министерот за вонредни состојби и управување со катастрофи Раид Салих

15. Министер за земјоделство Емџед Бедр

16. Министер за образование Мухамед Абдулрахман Терко

17. Министер за јавни работи и домување Мустафа Абдуразак

18. Министер за култура Мухамед Салих

19. Министер за млади и спорт Мухамед Самих Хамид

20. Министер за туризам Мазен Салихани

21. Министер за административен развој Мухамед Сикаф

22. Министер за транспорт Јаруб Бедир

23. Министер за информации Хамза Мустафа

- Во новиот кабинет се вклучени имиња од различни сегменти на општеството

Во кабинетот на Шара се наоѓаат имињата кои се претставници на различни сегменти од општеството, како што се министерот за социјална работа и труд, Хинд Кабават, едно од добро познатите имиња во христијанската заедница, Емџед Бадр, министер за земјоделство од покраината Сувејда, каде што претежно живеат Друзи (етнорелигиозна арапска заедница), министерот за образование Терко од регионот Африн, и министерот за транспорт Јаруб Бедир, од регионот Латакија, во кој претежно живеат Алеви (исламско религиозно движење).

Во меѓувреме, шефот на разузнавањето Енес Хатаб ја презеде функцијата министер за внатрешни работи, а со своите должности ги продолжија министрите во министерствата за надворешни работи и за одбрана.