Во поплавите што ја зафатија Саудиска Арабија загинаа 30 лица

РИЈАД (АА) - Најмалку 30 лица ги загубија животите во поплавите кои ја зафатија Саудиска Арабија во последниов месец, јавува Anadolu Agency (AA).

Во денешното соопштение, саудиската Управа за цивилна заштита соопшти дека смртните случаи поврзани со поплавите се случиле во 13 региони низ целото кралство.

„Во моментот, бројот на жртви од поплавите и поврзаните електрични шокови (во последните 30 дена), е искачи на 30“, се вели во соопштението.

Според истото соопштение, вкупно 3.865 луѓе биле евакуирани од подрачјата предиспонирани на поплави низ целата земја во текот на истиот период.

Од Цивилната заштита апелираат за внимание и за избегнување на оддалечените региони кои може да бидат зафатени од поплави.

Во последните недели неколку арапски држави се борат со лошите временски услови.

Минатата недела, седум лица ги загубија животите во поплавите во различни делови на Јордан.