Во пожарот што избувна вчера во болница за лекување на Ковид-19 во Ирак животот го загубија 64 лица

БАГДАД

Во пожарот што избувна вчера во болница за лекување на Ковид-19 во Ирак животот го загубија 64 лица, пренесува Агенција Анадолија (АА).

Според веста што ја објави ирачката официјална новинска агенција, заснована на информациите добиени од Канцеларијата за здравство „Зикар“, во ирачката јужна провинција Зикар, 64 лица ги загубиле животите во пожарот што доцна синоќа избувнал во болницата „Имам Хусеин“ во која биле хоспитализирани пациенти заразени со Ковид-19.

Покрај 64-те смртни случаи, во пожарот се повредени 50 лица.

Пожарот синоќа е изгаснат по интензивната работа на пожарникарите.

Во Багдад, главниот град на Ирак, во април избувна пожар во болница во која биле хоспитализирани пациенти заразени со Ковид-19. Во таа несреќа животот го загубија 82 лица.