Во пожар во Њујорк повредени 16 лица

ЊУЈОРК (AA) - Во пожар во зграда во квартот Бронкс во Њујорк се повредени 16 лица, јавува Anadolu Agency (AA).

Од Противпожарната бригада на Њујорк соопштија дека пожарот избувнал во четирикатна зграда.

Наведоа дека според последните информации се повредени 16 лица, од кои седум се деца.

Во гасењето на пожарот се ангажирани најмалку 200 пожарникари.

Локалните власти во меѓувреме соопштија дека пожарот е ставен под контрола.

Пожарот наводно избувнал во продавница за мебел на прв кат.

Потсетуваме, во пожар кој минатата недела се случи исто во Бронкс загинаа 12 лица.