Во ОН по 33 години дипломат од Сомалија избран на висока функција

МОГАДИШУ (АА) – Сомалиски дипломат е избран за заменик-претседател на 75. Генерално собрание на Обединетите нации (ОН) за прв пат по 33 години, пренесува Агенција Анадолија (АА).

Постојаниот претставник на Сомалија во ОН, амбасадорот Абукар Осман Бале, е избран за заменик-претседател на 75. Генерално собрание на Обединетите нации (ОН).

Амбасадорот Бале во соопштението објавено на Твитер рече дека со поддршка од 178 земји е избран за заменик-претседател на 75. Генерално собрание на Обединетите нации и дека со нетрпение чека да работи со претседателот Волкан Бозкир.

„Во оваа прилика, би сакал да им честитам на братска Турција и на турскиот народ“, нагласи Абукар Осман Бале.

Изборот на амбасадорот Бале за потпретседател на Генералното собрание на ОН се смета за важен дипломатски чекор во однос на напорите за стабилност и развој на Сомалија.

Сомалиски дипломати претходно беа избрани за потпретседатели на Генералното собрание на ОН во 1963, 1979 и 1986 година.