Во Индија глутница волци уби деветмина, од кои осум деца, за 45 дена

АНКАРА (АА) - Глутница волци уби деветмина, од кои осум деца во индиската држава Утар Прадеш во последните 45 дена, известува Анадолу.

„Индија тудеј“ објави дека волци го напаѓаат регионот Бахреич веќе 45 дена.

Властите во регионот работат на отстранување на глутницата волци што уби осум деца и една жена во последните 45 дена. Властите фатиле четири волци користејќи беспилотни летала и термални камери за да ги лоцираат животните.

Луѓето од регионот, кои се соочуваат со напади од волци речиси еден месец, воведоа ноќни патроли.

Локалното население наведува дека голем број волци талкаат низ околината и ноќе влегуваат во домовите и ги напаѓаат децата.